Aastaan Hai Ye Kis Shah E Zeeshan Ka, Marhaba Marhaba
Qalb Haibat Se Larzaa(n) Hai Insaan Ka, Marhaba Marhaba
Hai Asar Bazm Par Kis Ke Faizaan Ka, Marhaba Marhaba
Ghar Basaane Meri Chashm E Veeran Ka, Marhaba Marhaba
Chaand Nikla Hasan Ke Shabistaan Ka, Marhaba Marhaba
Sar Ki Zeenat Imama Hai Irfan Ka, Marhaba Marhaba
Jubba Tan Par Muhammad Ke Ehsaan Ka, Marhaba Marhaba
Rang Aankho(n) Mein Zahra Ke Faizaan Ka, Marhaba Marhaba
Roop Chehre Pe AayAat E Qur’an Ka, Marhaba Marhaba
Saj Ke Baitha Hai Noushah Jeelan Ka, Marhaba Marhaba
Bazm Kaun O Makaa(n) Ko Sajaya Gaya, Aaj Salle Alaa
Saibaan Rehmato(n) Ka Lagaya Gaya, Aaj Salle Alaa
Anbiya Auliya Ko Bulaya Gaya, Aaj Salle Alaa
IbnE Zahra Ko Dulha Banaya Gaya, Aaj Salle Alaa
Urs Hai Aaj Mehboob E Subhaan Ka, Marhaba Marhaba
Aasmaa(n) Manzilat Kis Ka Aiwaan Hai, Wah Kya Shaan Hai
Aaj Khalq E Khuda Kis Ki Mehmaan Hai, Wah Kya Shaan Hai
Laa Takhaf Kis Ka Mash-hoor Farmaan Hai, Wah Kya Shaan Hai
Bil Yaqee(n) Woh Shahenshah E Jeelan Hai, Wah Kya Shaan Hai
Haq Diya Jis Ko Qudrat Ne Aylaan Ka, Marhaba Marhaba
Har Taraf Aaj Rehmat Ki Barsaat Hai, Wah Kya Baat Hai
Aaj Khulne Pe Qufl E Muhimmaat Hai, Wah Kya Baat Hai
Chaar Soo Jalwa Aaraai Zaat Hai, Wah Kya Baat Hai
Koi Bharne Pe Kashkul E Haajaat Hai, Wah Kya Baat Hai
Jaagne Ko Muqaddar Hai Insaan Ka, Marhaba Marhaba
Koi Mahv E Fighan Koi Khamosh Hai, Ab Kise Hosh Hai
Saaz Mutrab Ki Lay Naghma Bardosh Hai, Ab Kise Hosh Hai
Aql Hairat Ke Parde Mein Ruposh Hai, Ab Kise Hosh Hai
Bazm Ki Bazm Masti Dar Aaghosh Hai, Ab Kise Hosh Hai
Pi Ke Saagar Ali Ke Khumistaan Ka, Marhaba Marhaba
Kya Hasee(n) Manzar E Jood O Ikraam Hai, Daawat E Aam Hai
Ahle Dil Ki Nazar Masti Aasham Hai, Daawat E Aam Hai
Hashr Tak Muddat E Gardish E Jaam Hai, Daawat E Aam Hai
Dast Jibreel Masroof E It-aam Hai, Daawat E Aam Hai
Khao Sadqa Ali Shah E Mardaan Ka, Marhaba Marhaba
Sham’a E Tawheed Dil Mein Jala Kar Piyo, Dil Laga Kar Piyo
Shah E Kawsar Ki Khairaat Paa Kar Piyo, Dil Laga Kar Piyo
Sheikh Ke Aastaane Pe Aa Kar Piyo, Dil Laga Kar Piyo
Aankh Mehre Ali Se Mila Kar Piyo, Dil Laga Kar Piyo
Khud Pilane Pe Saaqi Hai Jeelan Ka, Marhaba Marhaba
Sadqa Zahra Ke Bachho(n) Ka Khaa Kar Piyo, Dil Laga Kar Piyo
Hubbe As-haab Dil Me Basaa Kar Piyo, Dil Laga Kar Piyo
Rang Khud Pe Raza Ka Chadha Kar Piyo, Dil Laga Kar Piyo
Aaj Hasti Ko Apni Mitaa Kar Piyo, Dil Laga Kar Piyo
Khud Pilane Pe Saaqi Hai Jeelan Ka, Marhaba Marhaba
Hai Ajab Husn Ka Baankpan Saamne, Ek Chaman Saamne
Ahle Tat-heer Hain Khema Zan Saamne, Panjatan Saamne
Ruye Shabbir Ki Hai Phaban Saamne, Ya Hasan Saamne
Jalwa Farma Hai Ghous E Zaman Saamne, Zu Fighan Saamne
Dekhiye Kya Bane Chashme Hairaan Ka, Marhaba Marhaba
Gulshan E Mustafa Ki Phaban Aur Hai, Ye Chaman Aur Hai
Shah E Abrar Ki Anjuman Aur Hai, Ye Chaman Aur Hai
Buu E Guldasta E Panjatan Aur Hai, Ye Chaman Aur Hai
Shaane Aale Hussain Aur Hasan Aur Hai, Ye Chaman Aur Hai
Sarmadi Rang Hai Iss Ghulistaan Ka, Marhaba Marhaba
Faqr Ki Saltanat Tarfa Saamaan Hai, Rehmat Aiwaan Hai
Jis Ke Zere Naghee(n) Qalb E Insaan Hai, Ajz Unwaan Hai
Kis Ka Dast E Nazar Kaasa Gardaan Hai, Aql Hairaan Hai
Ek Wali Zeb E Aurnag Irfaan Hai, Wah Kya Shaan Hai
Sar Jhuke Hain Yaha Meer O Sultaan Ka, Marhaba Marhaba
Har Ghari Maherbaa Zaat E Baari Rahe, Faiz Jaari Rahe
Khaak Bosi Pe Baad E Bahaari Rahe, Faiz Jaari Rahe
Aalam E Kaif Mein Bazm Saari Rahe, Faiz Jaari Rahe
Be-Khudi Tere Masto(n) Pe Taari Rahe, Faiz Jaari Rahe
Meenh Barasta Rahe Tere Ehsaan Ka, Marhaba Marhaba
Arsh E Asraar Tak Jis Ki Parwaaz Hai, Turfa Andaaz Hai
Ilm O Laahoot Ka Haasil E Aizaaz Hai, Turfa Andaaz Hai
Zuhd O Taqwa Mein Yakta O Mumtaaz Hai, Turfa Andaaz Hai
Aabroo E Chaman Qaamat E Naaz Hai, Turfa Andaaz Hai
Peer Mehr Ali Qutb E Dauran Ka, Marhaba Marhaba
Golra Ki Zameen Kitni Maso’od Hai, Khitta E Jood Hai
Ibn E Maula Ali Jis Mein Maujood Hai, Khitta E Jood Hai
Kya Haseen Manzar E Shaan E Mabood Hai, Khitta E Jood Hai
Har Ayaaz Us Ka Hamdosh Mahmood Hai, Khitta E Jood Hai
Auj Paaya Hai Birjis O Kaiwaan Ka, Marhaba Marhaba
Tere Deewane Haazir Hain Sarkaar Mein, Aaj Darbar Mein
Sar Jhukaye Janaab E Gohar Baar Mein, Aaj Darbar Mein
Bann Ke Sa-il Teri Bazm E Anwaar Mein, Aaj Darbar Mein
Yusuf E Misr Dil Tere Bazaar Mein, Aaj Darbar Mein
Jashn Hai Kya Dil Afrooz Irfaan Ka, Marhaba Marhaba
Dar Ba Dar Muft Ki Thokarein Khaye Kyu, Haath Faulaye Kyun
Maangne Kooye Aghyaar Mein Jaaye Kyu, Haath Faulaye Kyun
Uss Ke Namoos E Ghairat Pe Harf Aaye Kyu, Haath Faulaye Kyun
Dil Qana’at Ki Zou Se Na Chamkaaye Kyu, Haath Faulaye Kyun
Jo Namak Khwaar Ho Peer E Peeran Ka, Marhaba Marhaba
Shahe Jeelan Ki Choukhat Salamat Rahe, Ta Qayamat Rahe
Naqsh E Paa Ka Chaman Pur Karamat Rahe, Ta Qayamat Rahe
Khillat E Ijteba Zeb E Qaamat Rahe, Ta Qayamat Rahe
Sar Pe Waliyo(n) Ka Taaj E Imamat Rahe, Ta Qayamat Rahe
Silsila Ghous E Azam Ke Faizaan Ka, Marhaba Marhaba
Waaris E Khatamul Mursalee(n) Aap Hain, Bil Yaqee(n) Aap Hain
Qasr E Zahra Ke Naqsh E Haseen Aap Hain, Bil Yaqee(n) Aap Hain
Deen E Barhaq Ke Muhi O Moin Aap Hain, Bil Yaqee(n) Aap Hain
Bazm E Irfaan Ke Masnad Nasheen Aap Hain, Bil Yaqee(n) Aap Hain
Har Wali Tifl Hai Iss Dabistaan Ka, Marhaba Marhaba
Mazhar E Zaat E Rabb E Qadeer Aap Hain, Dastageer Aap Hain
Karwaan E Karam Ke Ameer Aap Hain, Dastageer Aap Hain
Shahe Baghdad Peeran E Peer Aap Hain, Dastageer Aap Hain
Is Naseer E Hazee(n) Ke Naseer Aap Hain, Dastageer Aap Hain
Koi Hamsar Nahi Aap Ki Shaan Ka, Marhaba Marhaba