Khuda Ke Fazl Se Hum Par Hai Saaya Ghous E Azam Ka

Khuda Ke Fazl Se Hum Par Hai Saaya Ghous E Azam Ka
Humen Dono Jahaan Mein Hai Sahara Ghous E Azam Ka

Muhammed Ka Rasoolo Mein Hai Jaise Martaba A'ala
Hai Afzal Awliya Me Yun Hi Rutba Ghous E Azam Ka

Mureedi La-Takhaf Keh Kar Tasalli Di Ghulamo Ko
Qayamat Tak Rahe Be-Khauf Banda Ghous E Azam Ka

Hamari Laaj Kiske Haath Hai Baghdad Wale Ke
Musibat Taal Dena Kaam Kiska Ghous E Azam Ka

Gaye Ek Waqt Mein Sattar Mureedo Ke Yaha Hazrat
Samajh Me Aa Nahi Sakta MuAmma Ghous E Azam Ka

Luab Apna Chataya Ahmed E Mukhtar Ne Inko
To Phir Kaise Na Hota Bolbaala Ghous E Azam Ka

Azizo Kar Chuko Taiyaar Jab Mere Janaaze Ko
To Likh Dena Kafan Par Naam E Waala Ghous E Azam Ka

Farishto Rokte Ho Kyu Mujhe Jannat Me Jaane Se
Ye Dekho Haath Mein Daaman Hai Kiska Ghous E Azam Ka

Lahad Mein Jab Farishte Mujhse Poochenge To Keh Dunga
Tariqa Qadri Hu Naam Leva Ghous E Azam Ka

Khudawanda Dua Maqbool Kar Hum Roo Siyaho(n) Ki
Gunahon Ko Hamare Baksh Sadqa Ghous E Azam Ka

Janaab Ghous Dulha Aur Baraati Auliya Honge
Mazaa Dikhlayega Mehshar Me Sehra Ghous E Azam Ka

Nida Dega Munaadi Hashr Mein Yun Qadriyo Ko
Kidhar Hai Qadri Karle Nazara Ghous E Azam Ka

Mukhalif Kya Kare Mera Ke Hai Behad Karam Mujh Par
Khuda Ka Rehmatallil A'almeen Ka Ghous E Azam Ka

Farishte Madrase Tak Saath Pohchaane Ko Jaate The
Ye Darbaar E Ilahi Mein Hai Rutba Ghous E Azam Ka

Salasile Jahan Kyu Gar Na Unke Rob Se Kaampe
Na Laya Sher Ko Khatre Mein Kutta Ghous E Azam Ka

Jameel E Qadri Sau Jaan Ho Qurbaan Murshid Par
Banaya Jisne Tujh Jaise Ko Banda Ghous E Azam Ka

12 comments:

Anonymous said...

Khuda ya Ehle Sunnat Par, Tou Apna Fazl Farmanana
Wasila Ala Hazrat Aur Sadqa Ghous E Azam Ka

Unknown said...

Masha-allaah
Subhan-allaah

Unknown said...

Mashaallah

Unknown said...

Aameen

Anonymous said...

does anyone have the english translation

Unknown said...

Mashallah

Unknown said...

Subhan Allah

Unknown said...

ماشاءاللہ

Unknown said...

Subhan Allah

Unknown said...

SUBHAN ALLAH

Unknown said...

SUBHAN ALLAH

Unknown said...

Subhan Allah

Facebook Blogger Plugin: Bloggerized by AllBlogTools.com Enhanced by MyBloggerTricks.com

Post a Comment