Tajalli E Noor e Kidam Ghous E Aazam


Tajalli E Noor e Kidam Ghous E Aazam
Ziya E Sirajuz Zulam Ghous E Aazam

Tera Hil Hai Tera Haram Ghous E Aazam
Arab Tera! Tera Ajam Ghous E Aazam

Wo Ik Vaar Ka Bhi Na Hoga Tumhare
Kaha Hai Mukhalif Me Damm Ghous E Aazam

Tere Hote Hum Par Sitam Dhaye Dushman
Sitam Hai Sitam Hai Sitam Ghous E Aazam

Badhe Housle Dushmano Ke Ghata De
Zara Le Le Teghe Do Dam Ghous E Aazam

Nahi Laata Khatir Me Shaho Ko Shaha
Tera Banda E Be-Diram Ghous E Aazam

Karam Chahiye Tera Tere Khuda Ka
Karam Ghouse Aazam Karam Ghous E Aazam

Karo Pani Ghumn ko Bahaa Do A'alam Ko
Ghataye Badhi Ho Karam Ghous E Aazam

Nazar Aaye Mujhko Na Surat Alam Ki
Na Dekhu Kabhi Ru-e Ghum Ghous E Aazam

Kuch Aisa Guma De Muhabbat Me Apni
Ke Khud Keh Uthu Me Manam Ghous E Aazam

Khuda Rakhe Tumko Hamare Saro Par
Hai Bas Ik Tumhara Hi Dam Ghous E Aazam

Dam-e-Naz'a Sirane Aajao Pyare
Tumhe Dekh Kar Nikle Dam Ghous E Aazam

Dam-e-Naz'a Aao Ke Dam Aaye Dam Me
Karo Humpe Yaseen Dum Ghous E Aazam

Ye Dil Ye Jigar Hai Ye Aankhe Ye Sar Hai
Jaha Chaho Rakhdo Qadam Ghous E Aazam

Tumhari Mahak Se Gali Kuche Mahke
Hai Baghdaad Rashke Iram Ghous E Aazam

Na Palla Ho Halka Hamara Na Hum Ho
Na Bigde Hamara Bharam Ghous E Aazam

Tumhare Karam Ka Hai Noori Bhi Pyasa
Mile Yum Se Isko Bhi Nam Ghous E Aazam

5 comments:

Anonymous said...

Subhaan-Allah

zaki said...

Bhalon ki toh hoti hai sari khudaee,
hum buron ka bhala kijiye Ghouse E Azam,
Badi mutmaeen zindagani hai uski hai jis par tumhara karam Ghouse E Azam

Anonymous said...

Subhaanallah I head this in Makkah shareef from Khalid bhai during Hajj 2015 :)

Unknown said...

Iska audio ya video pura chaiyye Mujhe
Abu farid ne padha hai lekin Adha hi upload kiye

waseem said...

Maa Shaa ALLAH ماشاء اللّٰه
Sub Haan ALLAH سبحان اللّٰه

Facebook Blogger Plugin: Bloggerized by AllBlogTools.com Enhanced by MyBloggerTricks.com

Post a Comment