Humko Bulana Ya Rasulallah صلی اللہ علیہ وسلم

Humko Bulana Ya RasulAllah
Humko Bulana Ya HabibAllah

Kabhi To Sabz Gumbad Ka Ujala Hum Bhi Dekhenge
Hamein Bulwaeinge Aaqa Madina Hum Bhi Dekhenge

Dhadak Uthhayga Ye Dil Ya Dharakna Bhool Jayega
Dil E Bismil Ka Uss Dar Par Tamasha Hum Bhi Dekhenge

Adab Sey Hath Bandhay Unkay Rozay Per Kharay Hounge
Sunehri Jaliyoon Ka Yun Nazara Hum Bhi Dekhenge

Dar E Doulat Sey Lootaya Nahin Jata Koi Khali
Wahan Khayrat Ka Batna Khudaya Hum Bhi Dekhenge

Barasti Gumbad E Khazra Say Takrati Hoi Boundein
Vahan Per Shaan Sey Baarish Barasna Hum Bhi Dekhenge

Guzaray Raat Din Apne Isi Umeed Per Hum Ne
Kisi Din To Jamal E Ruey Zaiba Hum Bhi Dekhenge

Dam E Rukhsat Qadam Maan Bhar Kay Hein Mehsoos Kertay Hain
Kisay Hai Jaakay Lout Aanay Ka Yara Hum Bhi Dekhenge

Puhanch Jayeinge Jis Din Ay Ujagar Unkay Qadmoon Main
Kisay Kehtay Hain Janat Ka Nazara Hum Bhi Dekhenge

Leave a Reply

Your email address will not be published. Required fields are marked *