Arsh E Haq Hain

Arshe Haq He Musnade Rif’at Rasoolullah ﷺ Ki
Dekhni He Hashr Me Izzat Rasoolullah ﷺ Ki

Qabr Me Lehrayenge Tha Hasr Chashme Noor Ke
Jalwah Farma Hogi Jab Tal’at Rasoolullah ﷺ Ki

Kaafiro Par Taighe Waala Se Giri Bakre Ghazab
Abr-Aasa Cha Gayi Haibat Rasoolullah ﷺ Ki

Laa Wa Rabbil Arsh Jisko Jo Mila Unse Mila
Bat’ti He Kownain Me Ne’mat Rasoolullah ﷺ Ki

Wo Jahannum Me Gaya Jo Unse Mustaghni Huwa
Hai Khalleelullah Ko Haajat Rasoolullah ﷺ Ki

Sooraj Ulte Paaw Palte Chaand Ishaare Se Ho Chaak
Andhe Najdi Dekhle Qudrat Rasoolullah ﷺ Ki 

Tujhse Aur Jannat Se Kya Matlab Wahabi Duur Ho
Hum Rasoolullah Ke, Jannat Rasoolullah ﷺ Ki

Zikr Roke Fazal Kaate Naqs Ka Juya(N) Rahe
Phir Kahe Mardak Ke Hu Ummat Rasoolullah ﷺ Ki

Najdi Usne Tujhko Mohlat Di Ki Iss Aalam Me Hai
Kaafiro Murtad Pe Rehmat Rasoolullah ﷺ Ki

Hum Bhikaari Wo Kareem, Unka Khudaa Unse Fazoo
Aur Naa Kehna Nahee Aadat Rasoolullah ﷺ Ki 

Ahle Sunnat Ka He Bera Paar Ashaabe Rasool
Najm He Aur Naav Hai Itrat Rasoolullah ﷺ Ki

Khaaq Ho Kar Ishq Me Aaram Se Sona Mila
Jaan Ki Akseer Hai Ulfat Rasoolullah ﷺ Ki

Toot Jaa-Enge Gunaahgaro Ke Fawran Qaid-O-Bund
Hashr Ko Khuljaaegi Taaqat Rasoolullah ﷺ Ki

Ya Rabb Ik Saa’at Me Dhul Jaa-E Siyaahkaro Ke Jurm
Josh Par Aa Jaaye Ab Rehmat Rasoolullah ﷺ Ki

Hai Ghule Baaghe Qudus Rukhsaar E Zeba E Huzoor
Sarve Ghulzaar E Qadam Kaamat Rasoolullah ﷺ Ki

Ae Raza Khud Saahibe Quraan Hai Mud’daahe Huzoor
Tujhse Kab Mumkin He Phir Midhat Rasoolullah ﷺ Ki

6 comments:

Unknown said...

Subhanallah shaane huzoor kitni pyari hai

Unknown said...

Subhanallah ishq ishq mohabbat ishq mohabbat alahazrat alahazrat

Unknown said...

Mashallah
Bahot pyari naat shareef

Unknown said...

Masha Allah, Subhan Allah
kalam e Aala Hazrat jindabad

Anonymous said...

SubhanAllah

Unknown said...

MASHAALLAH AZZOWAZAL

Facebook Blogger Plugin: Bloggerized by AllBlogTools.com Enhanced by MyBloggerTricks.com

Post a Comment