Kya Mahekte Hain Mahekne Wale

Kya Mahekte Hain Mahekne Wale
Boo Pe Chalte Hain Bhatakne Wale


Jagmaga Uthi Meri Gor Ki Khaak
Tere Qurbaan Chamakne Wale


Mahe Bedaag Ke Sadqe Jaaun
Yun Damakte Hain Damakne Wale

Arsh Tak Phaili Hai Taab E Aariz
Kya Jhalakte Hain Jhalakne Wale

Gul E Taiba Ki Sana Gaate Hain
Nakhl E Tooba Pe Chahekne Wale

Aasiyo! Thaam Lo Daaman Un Ka
Wo Nahin Haath Jhatakne Wale

Abr E Rehmat Ke Salaami Rehna
Phalte Hain Paude Lachakne Wale

Arey Ye Jalwa Gaahe Jaanan Hain
Kuch Adab Bhi Hain Phadakne Wale

Sunniyo! Un Se Madad Maange Jao
Pade Bakte Rehte Hain Bakne Wale

Sham'e Yaad E Rukh E Jaanan Na Bujhe
Khaaq Ho Jaaye Bhadakne Wale

Maut Kehti Hai Ke Jalwa Hai Qareeb
Ek Zaraa So Lein Bilakne Wale

Hum Bhi Khumhlaane Se Gaafil The Kabhi
Kya Hansa Gunche Chatakne Wale

Nakhl Se Chhutke Ye Kya Haal Huwa
Aah! O Patte Khadakne Wale


Jab Gire Munh Sooye Maikhana Tha
Hosh Mein Hai Ye Behekne Wale

Dekh O Zakhm E Dil Aape Ko Sambhal
Phoot Behte Hain Tapakne Wale

Mae Kahaan Aur Kahaan Main Zaahid
Yun Bhi To Chhakte Hain Chhakne Wale

Kaf E Dariya E Karam Mein Hai Raza
Paanch Fawware Chhalakne Wale

3 comments:

Naved Shaikh said...

SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH SUBHAAN'ALLAH
�� ��ISLAM ZINDABAAD �� ��
�� �� MASLAK E AHLE SUNNAT WAL JAMAAT ZINDABAAD �� ��
�� �� MASLAK E AALAHAZRAT ZINDABAAD ����

Irfan Ansari said...

Subhan Allah

mohd irshad pathan said...

Subahan allaha

Facebook Blogger Plugin: Bloggerized by AllBlogTools.com Enhanced by MyBloggerTricks.com

Post a Comment