Bari umeed hai Sarkar qadmon mein bulayenge

Bari umeed hai Sarkar qadmon mein bulayenge
Karam ki jab nazar ho gi Madine hum bhi jayenge

Agar jaana Madine mein huwa hum gham ke maaron ka
makeene Gumbad-e-Khazra ko haal-e-dil sunayenge

Kasam Allah ki ho ga woh manzar deed ke qabil
Qayamat mein Rasulallah jab tashreef layenge

Qayamat tak jagayenge na phir Munkar Nakeer usko
Lahad mein wo jisse apna Rukh-e-Zaiba dikhayenge

Gunahgaron mein khud aa aa kar shamil parsaa honge
Shafi-e-Hashr jab Daaman-e-Rehmat mein chupayenge

Gham-e-Ishq-e-Nabi se hoga jab maamoor dil nayyar
Tere zulmat kade mein bhi sitare jagmagayenge

Leave a Reply

Your email address will not be published. Required fields are marked *