Kushiyo ki bahaare laaya Ramzan mubarak aaya

Ahmed Barkaati
Kushiyo ki bahaare laaya
Ramzan mubarak aaya…
dil joom ke mera gaaya
Ramzan mubarak aaya..


Qur’aa ki tilawat hogi
bhar pur ibaadat hogi
Quraan ka tohfa laaya
Ramzan mubarak aaya


sehri ki ajab raahat he
iftar me wo ronaq he
ik kaif ajab he chhaya
Ramzan mubarak aaya


roze ki ye lazzat dekho
na pyas ki shiddat he wo
kya sabr he hum ne paaya
Ramzan mubarak aaya


Ramzan to he oos ki
ho saath me maa jiski
”turkee” ne to ashk bahaya
jab Ramzan mubarak aaya


Allah meri maa ko
Ramzan ke sadqe me
sab maaf gunah karde
jannat bhi ataa karde
zahra ka mile saaya
Ramzan mubarak aaya

1 thought on “Kushiyo ki bahaare laaya Ramzan mubarak aaya”

Leave a Reply

Your email address will not be published. Required fields are marked *